عن روضة صلاح

كنت بتفرّج على مسلسل واتأثرت بيه جدًا، كل حلقة فيه كانت بتحكي مشكلة، والبطلة كانت بتقدّم دعم حقيقي، وتغيّر في حياة الناس فعلًا.

ومن وقتها، الشغف ده كبر جوّايا.. وبقيت شايفة نفسي في المكان ده.

قررت أدخل كلية طب بشري علشان أحقق شغفي.. لكن مجموعي مجبش طب، وكانت دي من أكتر اللحظات اللي وجعتني. دخلت كلية تربية قسم بيولوجي، لأني بحب البيولوجي وفهم جسم الإنسان وعلاقته بالنفسية، وقلت لنفسي: «يمكن الطريق مختلف… بس لسه ممكن أوصل».